Թրամփը թվային հարկեր կիրառող երկրներին սպառնում է նոր մաքսատուրքերով

Եթե նման օրենսդրությունները չվերացվեն, ԱՄՆ-ը կդիմի նաև բարձր տեխնոլոգիաների և չիպերի հետ կապված արտահանման սահմանափակումների:

ԱՄՆ նախագահ Դոնալդ Թրամփը հայտարարել է, որ բոլոր այն երկրները, որոնք թվային հարկեր են կիրառում ամերիկյան տեխնոլոգիական հսկաների նկատմամբ, պետք է պատրաստ լինեն լրացուցիչ մաքսատուրքերի։ Նրա խոսքով՝ եթե նման օրենսդրությունները չվերացվեն, ԱՄՆ-ը կդիմի նաև բարձր տեխնոլոգիաների և չիպերի հետ կապված արտահանման սահմանափակումների: 

Թրամփը խիստ քննադատել է ԵՄ-ի «Թվային ծառայությունների ակտը»՝ այն որակելով որպես սպառնալիք ամերիկյան տեխնոլոգիաներին։ Նրա հայտարարությունը ուղղված է հատկապես այն պետություններին, որոնք հարկ են սահմանում Google-ի, Facebook-ի, Apple-ի և Amazon-ի վաճառքից ստացվող եկամտի վրա։ Նա նաև պնդել է, որ նման քաղաքականությունը նպաստում է Չինաստանի ընկերություններին՝ թիրախավորելով ԱՄՆ-ին։

Աղբյուրը՝ Reuters