Թրամփի ընտանիքը միլիոնավոր դոլարների շահույթ է ստանում՝ չնայած կրիպտոնախագծի թույլ մեկնարկին

Թրամփի ընտանիքը միլիոնավոր դոլարների շահույթ է ստանում՝ չնայած կրիպտոնախագծի թույլ մեկնարկին:

Սեպտեմբերի 1-ին բաց շուկայում սկսվեց Թրամփի ընտանիքի «World Liberty Financial» ($WLFI) կրիպտոարժույթի վաճառքը։ Թեև թոքենը սկզբում կտրուկ աճեց, այնուհետ կորցրեց իր արժեքի մեծ մասը։ Սակայն՝ նախապես կնքված ներքիին համաձայնագրի շնորհիվ, Թրամփի ընտանիքը, այդ թվում՝ Էրիք Թրամփն ու Դոնալդ Թրամփ կրտսերը, պահպանել է մասնավոր եկամուտ ստանալու երաշխավորված հնարավորություն, որը կարող է հասնել հարյուրավոր միլիոնների։

$WLFI թոքենը ստեղծվել էր 2024-ի հոկտեմբերին՝ Թրամփի ընտանիքի և գործընկերների կողմից։ Դրանց թվում է նաև Զաք Ուիթքոֆը՝ նախագահ Թրամփի Մերձավոր Արևելքի բանագնաց Սթիվ Ուիթքոֆի որդին։ Թեև 35,000 ներդրողներ մինչև այս գարուն ներդրել էին շուրջ $550 մլն դոլար, մինչև վերջին օրերը նրանք չէին կարող վաճառել թոքենները։

Հուլիսին քվեարկությամբ հանվեց այդ սահմանափակումը, և բաց շուկայում վաճառքը մեկնարկեց Binance, Bybit և OKX բորսաներում։ Սկզբնական գնով թոքեն ձեռք բերած ներդրողները, ըստ հաղորդման, արդեն ստացել են զգալի շահույթ։

Աղբյուր՝ The New York Times