Թրամփի մեմքոինը նվազել է 80%-ով ԱՄՆ–Չինաստան առևտրային վեճերի ֆոնին

Binance պլատֆորմի տվյալներով՝ $TRUMP մեմքոինը նվազել է 80%՝ հասնելով 1.5 դոլարի։

Նախկինում ԱՄՆ նախագահ Դոնալդ Թրամփը հայտարարել էր, որ Ներկայացուցիչների պալատը և Սենատը նոյեմբերի 1-ից կամ ավելի շուտ կավելացնեն մաքսատուրքը Չինաստանի նկատմամբ 100%-ով, ինչպես նաև կիրականացնեն արտահանման վերահսկողության միջոցներ բոլոր կարևոր ծրագրային ապահովումների վրա։


Հիշեցնենք՝ $TRUMP կրիպտոարժույթը Թրամփը ներկայացրել է հունվարի 18-ին։ Առաջին 24 ժամվա ընթացքում մեմքոինի առևտրի ծավալը գերազանցել է 11 մլրդ դոլարը։


Այնուհետև Թրամփի կինը՝ Մելանիա Թրամփը ներկայացրեց իր $MELANIA քոինը։ Bloomberg գործակալությունը նշել է, որ Թրամփի և նրա կնոջ կողմից քոինների թողարկումը կարող է վնաս հասցնել կրիպտոարդյունաբերության հեղինակությանը։

Այսպիսի կրիպտոարժույթները չեն ներկայացնում իրական արժեք կամ կիրառելիություն և ծառայում են որպես սպեկուլյատիվ ֆինանսական գործիք։