Թրամփի աշխարհը․ ինչ միտումներ է ձևավորելու 2026 թվականը

ԱՄՆ-ում քաղաքական բևեռացումը միայն կխորանա:

2025 թվականը մեծ հաշվով անցավ Դոնալդ Թրամփի թելադրած օրակարգով։ Նրա անկանոն, հաճախ նորմերը խախտող քաղաքական ոճը լուրջ ցնցումներ առաջացրեց առևտրում և միջազգային հարաբերություններում, բայց միաժամանակ որոշ դեպքերում տվեց նաև գործնական արդյունքներ։ Քանի դեռ Թրամփը Սպիտակ տանն է, այս տրամաբանությունը չի փոխվելու, և 2026-ը նույնպես լինելու է անորոշության ու արագ շրջադարձերի տարի։

ԱՄՆ-ում քաղաքական բևեռացումը միայն կխորանա: Հատկապես ծանր փորձություն է սպասվում Եվրոպայի համար, որը ստիպված է միաժամանակ մեծացնել պաշտպանական ծախսերը, խթանել տնտեսությունը և զսպել բյուջետային ճեղքերը։ Չինաստանի համար, հակառակը, «Ամերիկան՝ առաջինը» քաղաքականությունը նոր հնարավորություններ է բացում՝ հատկապես զարգացող երկրներում ազդեցությունն ընդլայնելու համար։ Տնտեսական ճակատում ռիսկերն աճում են․ բարձր պարտք, մաքսատուրքերի ճնշում և ֆինանսական շուկաների խոցելիություն։ Իսկ արհեստական բանականության շուրջ միլիարդավոր դոլարների ներդրումները ավելի ու ավելի շատ հարցեր են առաջացնում՝ թե՛ հնարավոր փուչիկի, թե՛ աշխատաշուկայի ապագայի վերաբերյալ։