ԱՄՆ նախագահ Դոնալդ Թրամփը հայտարարել է, որ այլևս պետական միջոցներ չի օգտագործի իր նախաձեռնած գովազդային արշավների համար։
Ինչու է դա կարևոր Պետական բյուջեի հաշվին իրականացվող գովազդների շուրջ քննադատությունների ալիքից հետո Թրամփը որոշել է անցնել ինքնաֆինանսավորման՝ լարվածությունը թուլացնելու նպատակով։
Ինչ է ասում Թրամփը Truth Social սոցիալական ցանցում ԱՄՆ նախագահը պարզաբանել է իր քայլը.
«Արմատական ձախը դժգոհ է, որ ես գովազդներ եմ հրապարակում, ինչը ես համարում եմ մեր մեծ ԱՄՆ-ի դրական ներկայացում, և դրանց համար վճարում եմ ԱՄՆ-ի միջոցներով»։
Նա ընդգծել է, որ պետական միջոցներով վճարելը «բավականին ստանդարտ բան է», սակայն քննադատություններին վերջ դնելու համար այսուհետ ինքն է հոգալու ծախսերը։
Ֆինանսավորման աղբյուրները Թրամփի փոխանցմամբ՝ «հայրենասիրական գովազդների» և նմանատիպ նյութերի համար վճարումները կատարվելու են.
Անձնական միջոցներից,
«MAGA, Inc.» կազմակերպության համար հավաքագրված գումարներից։
«Ես որոշել եմ դա անել ինքս՝ իմ և MAGA, Inc.-ի համար հավաքված գումարով։ MAKE AMERICA GREAT AGAIN!», - գրել է նա։
