Միջոցառումը միավորեց զբոսաշրջության ոլորտի առաջատար մասնագետներին, կազմակերպություններին, Ռուսաստանի զբոսաշրջային ընկերությունների ներկայացուցիչներին, դեսպանատների պատվավոր հյուրերին և ոլորտի այլ նշանակալի անձանց։ Քննարկման առանցքում էին Հայաստանի զբոսաշրջության զարգացման նոր ուղղությունները՝ սկսած երկրի միջազգային ճանաչելիության բարձրացումից մինչև համայնքային ծրագրերի խթանումը։
Հատուկ ուշադրություն դարձվեց մարզերի զբոսաշրջային ներուժի բացահայտմանը, ինչպես նաև ոլորտի համար մասնագիտական և կրթված կադրային բազայի ձևավորմանը։
Հանդիպման ընթացքում ստորագրվեցին համագործակցության հուշագրեր «Բալթիական Ալյանս ՍՊԲ» ՍՊԸ, «Հին Արենի» գինու գործարան և «Helicopter Armenia» ընկերությունների հետ՝ հիմք դնելով նոր և խոստումնալից ծրագրերի իրագործման։ Իսկ միջոցառման ավարտին հյուրերին սպասվում էր հաճելի անակնկալ՝ վիճակահանություն և խորհրդանշական նվերներ։
Ֆեդերացիայի ուղերձը հստակ է․
Զբոսաշրջությունը Հայաստանի զարգացման շարժիչ ուժերից մեկն է, և նրա հաջողությունը հնարավոր է միայն միասնական աշխատանքով և նորարար գաղափարներով:
Ինչպես ԶՆԶ ֆեդերացիայի կարգախոսն է՝ Միասին ձևավորենք Հայաստանի զբոսաշրջության ապագան։
*գովազդ
