Հնդկաստանում դպրոցի փլուզման հետևանքով կան զոհեր եւ վիրավորներ

Առնվազն 7 աշակերտ զոհվել է, ևս 29-ը՝ վիրավորվել։

Հնդկաստանի Ռաջաստան նահանգում հուլիսի 25-ի առավոտյան փլուզվել է պետական դպրոցի շենքի մի մասը:

Առնվազն 7 աշակերտ զոհվել է, ևս 29-ը՝ վիրավորվել։ Նրանցից երկուսը գտնվում են ծայրահեղ ծանր վիճակում։ Այս մասին հայտնում է հնդկական Times of India թերթը։ 

Միջադեպը տեղի է ունեցել, երբ աշակերտները հավաքվելիս են եղել առավոտյան աղոթքի: Առնվազն 17 աշակերտ գտնվել է շենքում, երբ փլուզվել է 6-րդ և 7-րդ դասարանների դասասենյակների հատվածը: