Տոկոսադրույքների նվազեցման սպասումների ֆոնին դոլարի թուլացումը խորանում է

Եվրոպական արժույթների համեմատ՝ եվրոն ամրապնդվել է:

ԱՄՆ դոլարի փոխարժեքը շարունակել է թուլանալ երեքշաբթի՝ օգոստոսի 5-ին, ներդրողների շրջանում ուժեղացող` տոկոսադրույքների կրճատման սպասումների և մաքսային քաղաքականության անորոշությունների պայմաններում։

Այս միտումը հետևեց անցած ուրբաթ օրը հրապարակված աշխատաշուկայի զեկույցին, որը ցույց տվեց գործազրկության աճ և նոր աշխատատեղերի նվազում՝ խաթարելով վստահությունը ԱՄՆ տնտեսության կայունության նկատմամբ։

Հիմնական արժույթների զամբյուղի նկատմամբ դոլարի ինդեքսը հասել է 98.688-ի՝ մեկ շաբաթվա նվազագույն մակարդակից հետո։ Եվրոպական արժույթների համեմատ՝ եվրոն ամրապնդվել է՝ հասնելով 1.1579 դոլարի, իսկ ֆունտ ստերլինգը՝ 1.3298-ի։ Տնտեսագետները, այդ թվում՝ «Goldman Sachs»-ը, կանխատեսում են, որ սեպտեմբերից սկսած՝ Դաշնային պահուստային համակարգը կարող է անցնել երեք հաջորդական տոկոսադրույքների իջեցումների՝ յուրաքանչյուրը 25 բազիսային կետի չափով։

Աղբյուր՝ Reuters