ԱՄՆ ֆինանսների նախարարը կոչ է անում բանկային խորը բարեփոխումների՝ պահանջելով վերացնել երկակի կապիտալի պահանջները

Բեսենթի խոսքով՝ այս համակարգը ոչ միայն ծանրաբեռնում է ֆինանսական հաստատություններին, այլև խաթարում է վարկային ակտիվությունն ու տնտեսական աճը։

ԱՄՆ ֆինանսների նախարար Սքոթ Բեսենթը հանդես է եկել կտրուկ հայտարարությամբ՝ կոչ անելով հրաժարվել Ջո Բայդենի վարչակազմի օրոք ներկայացված բանկերի կապիտալի երկակի չափորոշիչներից։ Բեսենթի խոսքով՝ այս համակարգը ոչ միայն ծանրաբեռնում է ֆինանսական հաստատություններին, այլև խաթարում է վարկային ակտիվությունն ու տնտեսական աճը։

Նախարարը ընդգծել է, որ ԱՄՆ ֆինանսական կարգավորող համակարգը «հնացած» է և պահանջում է արմատական բարեփոխում՝ հանուն նորարարության, ֆինանսական կայունության և դիմակայուն աճի։ Ըստ նրա՝ կապիտալի չափանիշների վերանայումը պետք է ներառի նաև փոքր և տեղական բանկերը՝ առաջարկելով վերջիններիս հնարավորություն տալ կամավոր կերպով անցնելու արդի չափորոշիչներին։

Աղբյուր՝ Reuters