ԱՄՆ-ն և ԵՄ-ն ստորագրել են համաձայնագիր․ 15 տոկոս մաքսատուրք:

ԱՄՆ-ն և Եվրոպական միությունը կնքել են առևտրի շրջանակային համաձայնագիր, որով ԵՄ արտադրության ապրանքների մեծ մասի նկատմամբ սահմանվել է 15 տոկոս մաքսատուրք։

«Կարծում եմ՝ սա երբևէ կնքված ամենախոշոր գործարքն է», – ասել է Թրամփը՝ գովաբանելով ԵՄ-ի ծրագրերը՝ մոտ 600 միլիարդ դոլար ներդնելու ԱՄՆ-ում և զգալիորեն ավելացնելու ամերիկյան էներգիայի և ռազմական տեխնիկայի գնումները։

Թրամփի խոսքով՝ այս համաձայնագիրը, որը գերազանցում է անցած շաբաթ Ճապոնիայի հետ կնքված 550 միլիարդ դոլարանոց գործարքը, կզարգացնի Տրանսատլանտյան գործընկերությունը՝ ԱՄՆ-ի արտահանողների հանդեպ տարիներ շարունակ տիրող անարդար վերաբերմունքից հետո։

Ֆոն դեր Լայենը, Թրամփին նկարագրելով որպես կոշտ բանակցող, նշել է, որ 15 տոկոս մաքսատուրը կիրառվում է «համապարփակ ձևով»:

«Սա լավագույնն էր, ինչ կարող էինք ստանալ», – ասել է նա:

Գերմանիայի կանցլեր Ֆրիդրիխ Մերցը ողջունել է համաձայնագրի կնքումը՝ նշելով, որ այն կանխել է առևտրային հակամարտությունը, որը ծանր հարված կհասցներ Գերմանիայի արտահանմանը հիմնված տնտեսությանը և խոշոր ավտոմոբիլային ոլորտին։