ԱՄՆ-ում կոչ են անում պաշտպանել Արցախի բնակչությանը

Կոնգրեսականները հատուկ կոչ են արել ԱՄՆ վարչակազմին՝ աջակցել Շվեյցարիայի խորհրդարանի կողմից ընդունված խաղաղության նախաձեռնությանը:

ԱՄՆ 87 կոնգրեսականներ Սպիտակ տան վարչակազմին կոչ են արել ապահովել հայերի անվտանգ վերադարձը Արցախ:

Նրանք ԱՄՆ պետքարտուղար Մարկո Ռուբիոյին կոչ են արել՝ ապահովել բռնագաղթված հայերի «համախմբված, պաշտպանված և արժանապատիվ վերադարձը» իրենց բնօրրան՝ Լեռնային Ղարաբաղ, միջազգային իրավունքի շրջանակում և Հարավային Կովկասում տևական խաղաղության հաստատման նպատակով։

Կոնգրեսականները հատուկ կոչ են արել ԱՄՆ վարչակազմին՝ աջակցել Շվեյցարիայի խորհրդարանի կողմից ընդունված խաղաղության նախաձեռնությանը, որը նպատակ ունի ստեղծել միջազգային բանակցային հարթակ՝ Արցախ հայերի անվտանգ, պաշտպանված և երաշխավորված վերադարձն ապահովելու համար։