Ֆոնդային շուկան պատրաստվում է աճի՝ Ալյասկայում Թրամփի և Պուտինի հանդիպման ֆոնին. BILD

ԱՄՆ-ն պատրաստվում է նախագահ Դոնալդ Թրամփի և Վլադիմիր Պուտինի հանդիպմանը Ալյասկայում՝ Ուկրաինայում պատերազմի դադարեցման հարցը քննարկելու համար: Մասնագետները զգուշացնում են, որ Թրամփը կարող է «մեծ զիջումներ անել Ռուսաստանին Ուկրաինայի հարցում», ինչը նյարդայնացնում է եվրոպացի քաղաքական գործիչներին և ներդրողներին:

Անցյալ շաբաթ ճնշման տակ են հայտնվել պաշտպանական ընկերությունների արժեթղթերը: Վերլուծաբանների խոսքով՝ «խաղաղությունը ձեռնտու չէ բիզնեսի այս ոլորտի համար»։ Սակայն այն բանից հետո, երբ Թրամփը նվազեցրեց բանակցությունների հարցում առաջընթացի սպասումները՝ ասելով, որ ինքը մտադիր չէ գործարք կնքել, եվրոպական ֆոնդային շուկաները սկսեցին աճել, իսկ Գերմանիայի ամենակարևոր ֆոնդային ինդեքսը՝ DAX-ը, գիշերը բարձրացել է  0.81%-ով։

«Կարճաժամկետ հեռանկարում պաշտպանական ընկերությունների արժեթղթերի գին կնվազի, բայց երկարաժամկետ հեռանկարում ներուժը մնում է բարձր։ Եթե գործարք կնքվի առանց Եվրոպայի, դա կրկին կցույց տա, որ մենք պետք է հոգ տանենք մեր անվտանգության մասին։ Եվ դա նշանակում է, որ պաշտպանական ընկերությունների երկարաժամկետ ներուժն ավելի մեծ է», - BILD-ի հետ զրույցում բացատրել է Scalable Capital-ի գլխավոր տնտեսագետ Քրիստիան Ռյոլը։

RoboMarkets-ի ներդրումային ռազմավար Յուրգեն Մոլնարը հավելել է, որ հնարավոր խաղաղությունը կարող է խթան հանդիսանալ DAX-ի աճի և ռուսական շուկան եվրոպական ընկերությունների համար բացելու համար։ Սակայն, նա ընդգծել է, որ դրա հավանականությունը փոքր է։

«Այնուամենայնիվ, եթե պատժամիջոցների վերացման հեռանկարը մեծ անակնկալ լինի, դա կարող է կարճաժամկետ հեռանկարում կյանք շունչ շունչ հաղորդել եվրոպական էներգաինտենսիվ ընկերություններին, ինչպիսիք են քիմիական ընկերությունները», - նշեց Ռյոլը։