ՀՀ պետական պարտքն ավելացել է 80 տոկոսով, բայց 1,5 տարում հնարավոր կլինի մարել. Վահե Հովհաննիսյան

ՀՀ պետական պարտքն ավելացել է 80 տոկոսով, բայց 1,5 տարում հնարավոր կլինի մարել: Այս մասին ԱԺ-ում հայտարարել է ՀՀ ֆինանսների նախարար Վահե Հովհաննիսյանը։

«Պետական բյուջեի պակասուրդը նախատեսվում է 537 մլրդ դրամ՝ ՀՆԱ-ի 4,5 տոկոսը՝ 2025 թվականի 5,5 տոկոսի դիմաց։ Մեր նպատակն է շարունակաբար նվազեցնել բյուջեի պակասուրդը և պահպանել պետական պարտքը կայուն և կառավարելի տիրույթում՝ միջնաժամկետ հատվածում այն պահպանելով 50 տոկոսին մոտ շրջանակում։ Ընդդիմադիր շրջանակներն ասում են, թե մեր պետական պարտքը կրկնապատկվել է, բայց այն ավելացել է 80 տոկոսով։ Այս համատեսքստում նշեմ, որ այդ պարտքն ուղղվում է պետության տնտեսական պոտենցիալի բարձրացմանը, այսինքն՝ հայաստանցիների հարստանալու և իրենց բարեկեցության բարձրացման հնարավորություններն ընդլայնելու ուղղությամբ»,- ԱԺ-ում բյուջեի նախագծի քննարկման ժամանակ ասաց Հովհաննիսյանը։