Էլեկտրամոբիլների գույքահարկի հաշվարկման կարգը փոխվել է․ որոնք են նոր պայմանները

Ապրիլի 1-ից ուժի մեջ է մտել ՀՀ կառավարության որոշումը, որով փոփոխվել է էլեկտրամոբիլների շարժիչի հզորության հաշվարկման կարգը՝ գույքահարկի նպատակով։

ՆԳՆ տվյալներով՝ եթե մեքենան ունի էլեկտրոնային անձնագիր, ապա գույքահարկի հաշվարկման հիմքում կդրվի այնտեղ նշված հզորությունը։ Դրա բացակայության դեպքում կիրառվում է նոր հաշվարկման մեխանիզմ։

Նոր կարգով՝

• մինչև 250 ձիաուժ հզորության դեպքում ցուցանիշը բաժանվում է 1.5-ի,
• 251 ձիաուժ և ավելի հզորության դեպքում հաշվարկը կատարվում է փուլերով՝ առաջին 250 ձիաուժը բաժանվում է 1.5-ի, իսկ մնացած մասը՝ 2.5-ի, ապա արդյունքները գումարվում են։

Օրինակ՝ 544 ձիաուժ հզորությամբ էլեկտրամոբիլի դեպքում հաշվարկված հզորությունը կազմում է 284 ձիաուժ։ Սա բերում է գույքահարկի նվազման՝ 666,000 դրամից մինչև 276,000 դրամ։

Մեկ այլ դեպքում՝ 218 ձիաուժ հզորությամբ մեքենայի հաշվարկված ցուցանիշը կազմում է 145 ձիաուժ, ինչի արդյունքում գույքահարկը նվազում է 133,400 դրամից մինչև 43,500 դրամ։

ՆԳՆ-ից հայտնում են, որ արդեն գրանցված էլեկտրամոբիլների տվյալները կթարմացվեն ավտոմատ։ Սեփականատերերը փոփոխությունների մասին կտեղեկացվեն roadpolice.am հարթակի անձնական էջում կամ հաղորդագրությամբ։

Փոփոխությունը նվազեցնում է հարկային բեռը և ուղղված է էլեկտրամոբիլների օգտագործման խթանմանը։