Ֆրանսիայի վարչապետը նախատեսում է չեղարկել երկու տոն օր՝ պետական պարտքը նվազեցնելու նպատակով
Ֆրանսիայի վարչապետ Ֆրանսուա Բայրուն առաջարկել է չեղարկել երկու ազգային տոն՝ Զատկի երկուշաբթին և Մայիսի 8-ը (Հաղթանակի օր), երկրի մեծացող բյուջետային դեֆիցիտը մեղմելու և տնտեսությունը խթանելու համար։ 
Բայրուի խոսքով, Ֆրանսիան կանգնած է տնտեսական անդունդի եզրին՝ իր 3.3 տրիլիոն եվրո պետական պարտքով, որի տարեկան սպասարկման ծախսը արդեն հասել է 60 միլիարդ եվրոյի։ Կառավարությունը նախատեսում է հաջորդ տարվա բյուջեից կրճատել 43.8 միլիարդ եվրո, ինչի շնորհիվ դեֆիցիտը մինչև 2029 թվականը կարող է նվազել մինչև 3%։
 
Տոն օրերի չեղարկման մասին առաջարկը արդեն ուժեղ քննադատության է արժանացել․ ազգայնական կուսակցության առաջնորդ Ժորդան Բարդելան հայտարարել է, որ դա «ուղիղ հարված է Ֆրանսիայի պատմությանն ու արմատներին»։
 
Աղբյուրը՝ The Guardian