Սատկել է աշխարհի ամենատարեց ձին

Աշխարհի ամենատարեց ձին՝ Մոկին, սատկել է Ֆլորիդայում:

Աշխարհում պաշտոնապես ճանաչված ամենատարեց ձին՝ Մոկին, սատկել է 40 տարեկան և 83 օրական հասակում՝ իր ռեկորդի հաստատումից ընդամենը մի քանի շաբաթ անց։ Մոկին արաբական ցեղատեսակի ձի էր, ծնվել է 1985 թ. Բերտ Ռեյնոլդսի ֆերմայում։

Իր կյանքի վերջին տարիներին Մոկին գտնվում էր Արիկա Ձամայի խնամքի տակ Ֆլորիդայում՝ դառնալով ոչ միայն ընտանի կենդանի, այլև հոգեբանական աջակցություն կյանքի դժվար պահեր ապրող մարդկանց համար։

Տիրուհին հայտնել է, որ ձին վայելում էր սնունդը, մարդկանց սերը և հոգատարությունը։ Չնայած նրան, որ Մոկին չհասցրեց մասնակցել Գինեսի պաշտոնական պարգևատրման արարողությանը, նրա պատմությունն արդեն դարձել է բացառիկ օրինակ ձիու երկարակեցության մասին։