ԱՄՆ–Ճապոնիայի մաքսային նոր համաձայնագիրը խթանել է շուկաները

Toyota-ի բաժնետոմսերն աճել են ավելի քան 14%-ով, Honda-ի՝ մոտ 12%-ով։

ԱՄՆ նախագահ Դոնալդ Թրամփը Ճապոնիայի հետ կնքել է նոր մաքսային համաձայնագիր, որի արդյունքում իջեցվել են ճապոնական ավտոմեքենաների ներմուծման մաքսատուրքերը՝ 25%-ից մինչև 15%։ 
Փոխարենը Ճապոնիան պարտավորվել է 550 միլիարդ դոլարի ներդրումներ և վարկեր ուղղել դեպի ԱՄՆ տնտեսություն՝ հատկապես դեղագործության և չիպերի արտադրության ոլորտներում։
Համաձայնագիրը խթանեց Ճապոնիայի Nikkei ինդեքսը՝ բարձրացնելով այն ավելի քան 3%՝ միաժամանակ շուկայում վերականգնելով վստահությունը։ Toyota-ի բաժնետոմսերն աճել են ավելի քան 14%-ով, Honda-ի՝ մոտ 12%-ով։ ԱՄՆ ավտոարտադրողներն այդուհանդերձ քննադատում են այս համաձայնագիրը՝ այն համարելով անարդար իրենց հանդեպ, քանի որ Կանադայից և Մեքսիկայից ներմուծված մեքենաների վրա շարունակում է կիրառվել մինչև 25% մաքս։
Աղբյուրը՝ Reuters