Քաղաքապետարանը սկսել է ապօրինի ավտոտնակների ապամոնտաժումը. սեփականատերերը դժգոհ են

Ավտոտնակների սեփականատերերը չեն ընդունել քաղաքապետարանի պաշտոնական հիմնավորումները:

Երևանի կենտրոնական բակերում քաղաքապետարանի աշխատակիցները  ապօրինի կառուցված ավտոտնակներ են ապամոնտաժել: 

Քաղաքապետարանի պաշտոնյաների տեղեկացմամբ իրենք ոչ թե ընտրողական մոտեցմամբ են առաջնորդվում, այլ, կոնկրետ Արամի 64 հասցե են գնացել տարածքում ապրողների ահազանգով: Նշելով, որ խնդիրը մշտապես պահում են ուշադրության կենտրոնում, նրանք վստահեցրել են, որ փուլ առ փուլ գնալու են բոլոր ապօրինի կառույցների հետևից: 

Ավտոտնակների սեփականատերերը չեն ընդունել քաղաքապետարանի պաշտոնական հիմնավորումները: Նրանք պատրաստվում են գործընթացի իրավաչափությունը վիճարկել դատարանում: