Զբոսաշրջիկների համար 2025 թվականի ամենավտանգավոր ուղղությունները

Ռուսաստանը գլխավորում է 2025 թվականի ցուցակը՝ համարվելով ամենավտանգավոր երկիրը:

Զբոսաշրջության կարող մեջ անվտանգությունը մնում է առաջնային: 2025 թվականին մի շարք երկրներ համարվում են ծայրահեղ վտանգավոր զբոսաշրջիկների համար՝ պատերազմների, հանցավորության, ահաբեկչության, քաղաքական անկայունության պատճառով:

Ըստ գլոբալ խաղաղության ինդեքսի (GPI)՝ Ռուսաստանը գլխավորում է 2025 թվականի ցուցակը՝ համարվելով ամենավտանգավոր երկիրը: Ուկրաինայի դեմ պատերազմը, ահաբեկչության սպառնալիքը և ռազմականացման բարձր մակարդակը ստեղծում են ծայրահեղ ռիսկեր: ԱՄՆ Պետդեպարտամենտը խստորեն խորհուրդ է տալիս խուսափել ճանապարհորդությունից՝ դասակարգելով երկիրը որպես «Չճանապարհորդելու» (Level 4):

Հաջորդը Ուկրաինան է, որտեղ հրթիռային հարվածները, չպայթած զինամթերքը և խաթարված ենթակառուցվածքներն զբոսաշրջիկների համար ստեղծում են կյանքին սպառնացող վտանգներ: International SOS-ը Ուկրաինայի որոշ շրջաններ գնահատում է որպես ծայրահեղ ռիսկային, իսկ ԱՄՆ Պետդեպարտամենտը տվել է Level 4 կարգավիճակ:  Սուդանը նույնպես խիստ վտանգավոր է քաղաքացիական պատերազմի պատճառով, որը ներառում է բախումներ զինված ուժերի և ապստամբ խմբավորումների միջև: Զբոսաշրջիկներին սպառնում են բռնություններ, առևանգումներ և անկայունություն, իսկ արտակարգ ծառայությունները գրեթե բացակայում են: Այս երկիրը ևս դասակարգվում է ռիսկային երկրների շարքին:

Իրաքում ահաբեկչությունը, կրոնական բռնությունները և անվտանգության այլ խնդիրները շարունակում են սպառնալ զբոսաշրջիկներին: Առևանգումների և հարձակումների վտանգը բարձր է, իսկ 2025 թվականին ռիսկային գոտիներն ընդլայնվել են: Իսկ Կենտրոնաաֆրիկյան Հանրապետությունը խիստ վտանգավոր է էթնիկ զինված խմբավորումների և հիվանդությունների պատճառով: Զբոսաշրջիկները բախվում են հանցագործությունների և առևանգումների։

Զբոսաշրջիկներին խորհուրդ է տրվում ընտրել ավելի անվտանգ ուղղություններ և մշտապես ստուգել պաշտոնական աղբյուրները՝ արդի տեղեկությունների համար: