Ամպային տեխնոլոգիաների պատմության խոշորագույն գործարքներից մեկը․ OpenAI-ը պայմանագիր է կնքել Oracle-ի հետ

Պայմանագրի շրջանակում Oracle-ը 2027 թվականից OpenAI-ին կմատակարարի 4.5 գիգավատ հզորությամբ տվյալների կենտրոնների ռեսուրսներ։

OpenAI-ը պայմանագիր է կնքել ամերիկյան Oracle ընկերության հետ՝ հինգ տարվա ընթացքում 300 միլիարդ դոլարի հաշվարկային հզորություն ձեռք բերելու համար։ Այս մասին հայտնում է The Wall Street Journal-ը՝ հղում անելով իրազեկ աղբյուրներին։

Պայմանագրի շրջանակում Oracle-ը 2027 թվականից OpenAI-ին կմատակարարի 4.5 գիգավատ հզորությամբ տվյալների կենտրոնների ռեսուրսներ։ Սա համարվում է ամպային տեխնոլոգիաների պատմության ամենախոշոր գործարքներից մեկը և ցույց է տալիս, որ արհեստական բանականության ընկերությունները շարունակում են աննախադեպ ծախսեր կատարել հաշվարկային ենթակառուցվածքների վրա։

Ըստ աղբյուրի, գործարքի առաջին տարում OpenAI-ը կվճարի ավելի քան 30 միլիարդ դոլար, իսկ հետագա տարիներին վճարումները կաճեն՝ նոր կենտրոնների գործարկմանը զուգահեռ։ Սա համեմատելի չէ OpenAI-ի ներկայիս տարեկան մոտ 10 միլիարդ դոլար եկամուտի հետ, ինչն ընդգծում է ընկերության ռիսկային, բայց խոշոր ներդրումային քայլը։