Գերմանիայի կանցլերը Սպիտակ տուն այցելության ժամանակ միտումնավոր ընտրել է փղերի պատկերներով փողկապ

Գերմանիայի կանցլերը Սպիտակ տուն այցելության ժամանակ միտումնավոր ընտրել է փղերի պատկերներով փողկապ:

Գերմանիայի կանցլեր Ֆրիդրիխ Մերցը միտումնավոր է փղերի պատկերներով փողկապ կրել օգոստոսի 18-ին Սպիտակ տանը կայացած հանդիպմանը։ Այս մասին Բեռլինում կայացած ճեպազրույցի ժամանակ հայտարարել է Գերմանիայի կաբինետի ներկայացուցիչ Շտեֆեն Մայերը։

«Դուք հավանաբար նկատի ունեք փղերով փողկապը», - ճշտել է Մայերը լրագրողից, որը հարցրել էր Մերցի «փողկապի դիվանագիտության» մասին։

«Ես գիտեմ, որ այս փողկապը ընտրվել է միանգամայն միտումնավոր», - ընդգծել է ներկայացուցիչը:

Միևնույն ժամանակ, Մայերը նշել է, որ Մերցը «միշտ շատ գիտակցաբար է ընտրում իր հագուստը, և երբեք որևէ բան պատահական չի լինում»։ Այս դեպքում, ըստ նրա, նույնպես այդպես էր։ Փիղն ԱՄՆ Հանրապետական կուսակցության խորհրդանիշն է։

Մերցը շատ զգույշ է փողկապներ ընտրելիս։ Օրինակ՝ որպես կանցլեր Ստորին Սաքսոնիա կատարած իր առաջին այցի ժամանակ Մերցը կրում էր կարմիր փողկապ՝ սպիտակ ձիերի պատկերով, որը հղում էր Ստորին Սաքսոնիայի զինանշանին։

Մայիսի կեսերին Բունդեսթագում իր առաջին ելույթի ժամանակ Մերցը կրել է կապույտ փողկապ՝ կրիաներով։ Հունիսի սկզբին ԱՄՆ նախագահ Դոնալդ Թրամփի մոտ այցի ժամանակ նա կրել է փողկապ՝ փոքրիկ սառցաբեկորների մեջ պինգվինների պատկերով։

Bild-ը ենթադրել է, որ սա կարող էր ակնարկ լինել Թրամփի հետ հնարավոր բախումներից խուսափելու նրա վճռականության մասին։