ԵԱՏՄ երկրների ՀՆԱ-ն 2024 թվականի վերջին աճել է 4,4%-ով․ Միշուստին

Տարեսկզբից ցուցանիշն ավելացել է ևս 2%-ով:

Եվրասիական տնտեսական միության (ԵԱՏՄ) երկրների համախառն ներքին արդյունքը (ՀՆԱ) նախորդ տարի աճել է 4,4%-ով։ Տարեսկզբից ցուցանիշն ավելացել է ևս 2%-ով, Եվրասիական միջկառավարական խորհրդի նիստում հայտնել է ՌԴ կառավարության նախագահ Միխայիլ Միշուստինը։

«Միության համախառն ներքին արդյունքը նախորդ տարվա արդյունքներով ավելացել է 4,4%-ով։ Իսկ այս տարվա հունվար-մարտ ամիսներին աճել է 2%-ով, ինչը մեծապես պայմանավորված է արդյունաբերական արտադրության ծավալների, շինարարության, գյուղատնտեսական արտադրանքի արտադրության, մանրածախ առևտրի, հիմնական կապիտալում ներդրումների աճով»։

Ռուսաստանի կառավարության ղեկավարը հիշեցրել է, որ իր գոյության 10 տարիների ընթացքում ԵԱՏՄ-ն դարձել է համաշխարհային զարգացման հիմնական կենտրոններից մեկը։