Հայտնի է DigiTec 2025-ի կոնֆերանսի խոսնակների «առաջին տասնյակը»:

Տարվա կարևորագույն տեխնոլոգիական միջացառումը «ԴիջիԹեք 2025»-ը, որն այս տարի անցկացելու է հոկտեմբերի 10-12-ը, առանձնանալու է հայաստանյան և միջազգային «հայթեք» առաջնորդների աննախադեպ ներգրավվածությամբ։ 

Միջոցառման կազմակերպիչը՝ Առաջատար տեխնոլոգիաների ձեռնարկությունների միությունը, ներկայացրել է բանախոսների «առաջին տասնյակը»։  

Մասնավորապես, բանախոսների թվում են NVIDIA ընկերություն փոխնախագահ (Օմնիվերս և Սիմուլյացիոն տեխնոլոգիաներ) Րև Լեբարեդյանը (ԱՄՆ), Oculus ընկերության համահիմնադիր, Բերքլիի համալսարանի պրոֆեսոր Ջեք Մաքքոլին (ԱՄՆ), Moderna ընկերության համահիմնադիր և նախագահ,  Flagship Pioneering ընկերության հիմնադիր, տնօրեն Նուբար Աֆեյանը (ԱՄՆ), հրեշտակ ներդրողների EstBAN ցանցի նախագահ և խորհրդի անդամ Լաուրի Անտալաինեն (Էստոնիա), Imagine Communications Group-ի տնօրեն Նայլ Տելլոնը (Իռլանդիա), Firebird.ai և Intent.ai ընկերությունների համահիմնադիր, ԱՏՁՄ նախագահ Ալեքսանդր Եսայանը (Հայաստան), 36 Growth Marketing ընկերության հիմնադիր Հովիկ Թորկոմյանը (Նիդերլանդներ), Draft & Goal և Humanize, Inc. ընկերությունների վարչությունների խորհրդական ՐաՖֆի Չաքմաքչյանը (Կանադա), Molten East -ի ղեկավար Բախրոմ Իբրագիմովը (Մեծ Բրիտանիա), Skytel ընկերության տնօրեն Արման Օբոսյանը (Վրաստան)։ 

«ԴիջիԹեքը», որ այս տարի անցկացվելու է արդեն 20-րդ անգամ, Հայաստանի ամենամասշտաբային իրադարձություններից մեկն է։ Այս տարի ակնկալվում է 30-40 հազար այցելու։ Ինչպես հունվարի 1-ը օրացույցային կամ ֆինանսական տարվա սկիզբն է, սեպտեմբերի 1-ը՝ ուսումնական, այդպես էլ «ԴիջիԹեքը» տեխնոլոգիական անցող տարվա ամփոփումն է և նորի մեկնարկը՝ տեխնոլոգիական հայության Ամանորը, որը մի քանի օրով իր շուրջն է հավաքում երկրում և երկրից դուրս ապրող և գործող «տեխնոլոգիական հայերին» և նրանց գործընկերներին։ 2025 թվականի «ԴիջիԹեքն» անցկացվելու է տեխնոլոգիական ցուցահանդեսի, կոնֆերանսի և փառատոնի եռամիասնության գաղափարի ներքո և խոստանում է գերազանցել բոլոր նախորդ ռեկորդները։ 

Առաջին «ԴիջեԹեքն» անցկացվել էր 2005 թվականին։ Այն մտահղացրել և իրագործել էր տեխնոլոգիական համայնքի անվերապահ առաջնորդ, Առաջատար տեխնոլոգիաների ձեխնոլոգիաների միոության երկարամյա տնօրեն լուսահոգի Կարեն Վարդանյանը։ 

*գովազդ