Դոլարը զգուշավորություն է պահպանում Թրամփ–Զելենսկի հանդիպման ու ՖԵԴ-ի խորհրդաժողովի նախաշեմին

Արժութային շարժի հետագա ուղղությունը կախված կլինի ինչպես ուկրաինական ճգնաժամի զարգացումներից, այնպես էլ ՖԵԴ-ի քաղաքական ուղենիշերից։

Շաբաթվա մեկնարկին արժութային շուկաներում տիրում է սպասողական մթնոլորտ՝ երկու կարևոր իրադարձությունների՝ Թրամփի և Զելենսկու հանդիպման և Ջեքսոն Հոուլում կայանալիք Ֆեդերալ պահուստային համակարգի խորհրդաժողովի ֆոնին։

ԱՄՆ նախագահ Դոնալդ Թրամփն այսօր հանդիպում է Ուկրաինայի նախագահ Վլադիմիր Զելենսկու հետ՝ խաղաղ համաձայնության հնարավորությունների շուրջ, միևնույն ժամանակ ներդրողները հետևում են, թե ինչպես կարձագանքի ՖԵԴ-ի նախագահ Ջերոմ Փաուելը ԱՄՆ տնտեսական ցուցանիշներին։

Դոլարի փոխարժեքն ամրապնդվում է նախորդ շաբաթվա թուլացումից հետո։ Շուկաները մոտ 84% հավանականությամբ կանխատեսում են սեպտեմբերին տոկոսադրույքի նվազեցում։ Արժութային շարժի հետագա ուղղությունը կախված կլինի ինչպես ուկրաինական ճգնաժամի զարգացումներից, այնպես էլ ՖԵԴ-ի քաղաքական ուղենիշերից։

Աղբյուրը՝ Reuters