Թաիլանդը հարվածել է Կամբոջայի տարածքին․ սահմանային բախումը վերածվել է օդային հարվածների

Թաիլանդը փակել է Կամբոջայի հետ բոլոր սահմանային անցակետերը:

Հուլիսի 24-ի առավոտյան Թաիլանդի և Կամբոջայի սահմանին զինված բախում է տեղի ունեցել։ 
Կամբոջայի զորքերը կրակ են բացել՝ վիրավորելով երկու թաիլանդացի զինվորին, իսկ Թաիլանդը պատասխանել է F-16 կործանիչներով՝ հարվածներ հասցնելով կամբոջական տարածքին։ Թաիլանդը փակել է Կամբոջայի հետ բոլոր սահմանային անցակետերը, իսկ Կամբոջան դատապարտել է Թաիլանդի ռազմական ագրեսիան։ Կամբոջայի նախկին վարչապետ Հուն Սենը կոչ է արել քաղաքացիներին պահպանել հանգստություն։ 
«Մենք կոչ ենք անում բոլոր կամբոջացիներին վստահել մեր կառավարությանը և զինված ուժերին, որոնք գտնվում են առաջնագծում... Մենք խնդրում ենք բոլորին... պահպանել հանգստություն և շարունակել իրենց ամենօրյա գործունեությունը սովորականի պես», - գրել է նա սոցիալական ցանցերում։