Տեխասի նահանգապետ Գրեգ Էբոթը դիզելային վառելիքի ռեկորդային թանկացման ֆոնին նահանգի ողջ տարածքում հայտարարել է արտակարգ դրություն:
Գների ռեկորդ. Ամերիկյան ավտոմոբիլային ասոցիացիայի (AAA) տվյալներով՝ եթե մեկ տարի առաջ Տեխասում դիզվառելիքի միջին գինը 3.16 դոլար էր մեկ գալոնի (մոտ 3.8 լիտր) դիմաց, ապա սեպտեմբերի 19-ին այն հասել է 5.97 դոլարի:
Ինչ արտոնություններ ու լուծումներ են սահմանվել.
Ներկված դիզվառելիքի կիրառում. Թույլատրվել է գյուղատնտեսական արտոնյալ (առանց ակցիզային հարկի) ներկված դիզվառելիքն օգտագործել ընդհանուր օգտագործման ճանապարհներին՝ ժամանակավորապես չեղարկելով սահմանափակումներն ու տուգանքները։
Բեռնատարների քաշի ավելացում. Վառելիք, գյուղատնտեսական ապրանքներ և փայտանյութ փոխադրող մեքենաների թույլատրելի առավելագույն քաշը հասցվել է մինչև 95 հազար ֆունտի (մոտ 43 տոննա)։
Բնապահպանական նորմերի շրջանցում. Էբոթը դիմել է ԱՄՆ Շրջակա միջավայրի պահպանության գործակալությանը (EPA)՝ խնդրելով 110 շրջաններում ժամանակավորապես չեղարկել ծծմբի գերցածր պարունակությամբ դիզվառելիքի դաշնային պահանջները:
Էություն. Ռեկորդային գները ուղղակիորեն սպառնում են Տեխասի գյուղատնտեսությանն ու բեռնափոխադրումներին, ուստի նահանգային իշխանությունները փորձում են հարկային ու բնապահպանական զիջումներով ավելացնել լիցքավորման կայանների մատակարարումները և մեղմել բեռնատարների ու ֆերմերների ծախսերը:
