Իրանը պաշտոնապես մերժել է ԱՄՆ-ի առաջարկած հակամարտության կարգավորման պայմանները՝ դրանք որակելով անընդունելի։ Իրանի պետական հեռուստատեսության փոխանցմամբ՝ Թեհրանը հայտարարել է միջուկային օբյեկտների պաշտպանության «լիակատար պատրաստության» մասին։
Թեհրանի առաջ քաշած պայմանները Tasnim գործակալության տվյալներով՝ իրանական կողմի պահանջների փաթեթը ներառում է.
Ֆինանսական և տնտեսական. Ռազմական փոխհատուցումների վճարում, բռնագրավված ակտիվների վերադարձ և նավթի վաճառքի արգելքի չեղարկում։
Ռազմավարական վերահսկողություն. Լիակատար ինքնիշխանություն Հորմուզի նեղուցի նկատմամբ և ծովային շրջափակման դադարեցում։
Անվտանգության երաշխիքներ. Պատժամիջոցների չեղարկում և հետագա հարձակումներից հրաժարվելու իրավական երաշխիքներ։
Դիվանագիտական գործընթացը Իրանի ԱԳՆ մամուլի քարտուղար Էսմայիլ Բաղայիի փոխանցմամբ՝ ներկա առաջնահերթությունը տարածաշրջանում պատերազմի դադարեցումն է։ Իրանական կողմն իր առաջարկները փոխանցել է պակիստանյան միջնորդների միջոցով։ Փաստաթղթում շեշտվում է «իրանական ժողովրդի հիմնական իրավունքների» պաշտպանությունը՝ որպես կարգավորման հիմք։
