Հայաստանի և Թուրքիայի սահմանային անցակետում, այնուհետև ՀՀ տարածքային կառավարման և ենթակառուցվածքների նախարարության (ՏԿԵՆ) «Ջրառ» ՓԲ ընկերության վարչական շենքում տեղի է ունեցել անդրսահմանային ջրային ռեսուրսների կառավարման հայ-թուրքական հանձնաժողովների հանդիպումը։ Այս մասին հայտնում է ՀՀ Ջրային կոմիտեն:
Հանդիպման օրակարգը Համատեղ աշխատանքների շրջանակում կայացել է «Սարդարապատի կարգավորիչի շահագործման» և «Ախուրյանի ջրամբարի շահագործման» մշտական գործող հանձնաժողովների նիստը:
Մասնակիցներին ողջույնի խոսքով դիմել է «Ջրառ» ՓԲԸ-ի տնօրեն Տիգրան Վարդանյանը։ Նա իր խոսքում ընդգծել է, որ կողմերի միջև կնքված համապատասխան փաստաթղթերը կազմվել են երկուստեք շահավետ պայմաններով՝ ապահովելով անդրսահմանային ջրային ակտիվների համաչափ կառավարումը։
Արդյունքները Ջրային կոմիտեի փոխանցմամբ՝ հանդիպման ընթացքում կողմերին հաջողվել է քննարկել ընթացիկ շահագործման տեխնիկական խնդիրները և ձեռք բերել մի շարք կարևոր պայմանավորվածություններ՝ ուղղված ջրային ռեսուրսների հետագա արդյունավետ բաշխմանն ու մոնիթորինգին:
