Թբիլիսիի գործող քաղաքապետը ՏԻՄ ընտրություններում պաշտոնական տվյալներով առաջատարն է, երկրորդ տեղում Իրակլի Կուպրաձեն է

Թբիլիսիի գործող քաղաքապետը ՏԻՄ ընտրություններում պաշտոնական տվյալներով առաջատարն է, երկրորդ տեղում Իրակլի Կուպրաձեն է

Վրաստանի Կենտրոնական ընտրական հանձնաժողովի կայքում տեղադրված տեղեկատվության համաձայն՝ 584 ընտրատեղամասերից 581-ի տվյալների հաշվարկից հետո առաջին փուլում հաղթել է Թբիլիսիի գործող քաղաքապետ Կախա Կալաձեն։ Այս մասին հայտնում է Sputnik Грузия-ն։

Կենտրոնական ընտրական հանձնաժողովի տվյալներով՝ իշխող «Վրացական երազանք» կուսակցության կողմից Թբիլիսիի քաղաքապետի պաշտոնում առաջադրված Կալաձեն ստացել է 214,575 ձայն՝ հաղթելով ընտրություններում 71.588%-ով։

Նրա գլխավոր մրցակիցը՝ «Ուժեղ Վրաստան - Լելո» կուսակցությունից Իրակլի Կուպրաձեն, ստացել է 37,257 ձայն՝ 12.43%-ով զբաղեցնելով երկրորդ տեղը։
«Գիրչի» կուսակցության առաջնորդ Յագո Խվիչիան ստացել է ձայների 7.518%-ը, քվեարկությանը մասնակցել է 22,535 ընտրող։

Շաբաթ օրը 64 քաղաքների և շրջանների ընտրողները ընտրեցին քաղաքապետերի և տեղական խորհրդատվական մարմինների (սակրեբուլոների) անդամների։
Ընդհանուր առմամբ, քվեարկելու իրավունք ունեին երկրում բնակվող 18 տարեկան և բարձր Վրաստանի 3,513,818 քաղաքացիներ։ Նրանց համար բաց էին 3,061 ընտրատեղամասեր։
Ընտրություններին հետևել են 28 միջազգային և 27 տեղական կազմակերպությունների ներկայացուցիչներ։ Ընտրությունները լուսաբանել է ավելի քան 73 լրատվամիջոց։