Հարկային եկամուտները հասել են 2.4 տրիլիոն դրամի

ՊԵԿ նախագահ Էդուարդ Հակոբյանը սեպտեմբերի 12-ին Ազգային ժողովում հայտարարեց, որ 2024 թվականին Հայաստանում հավաքագրված հարկային եկամուտները կազմել են մոտ 2.4 տրիլիոն դրամ։

Սա 117 միլիարդ դրամով կամ 5.1%-ով ավելի է, քան 2023-ին։ Միևնույն ժամանակ հարկերի և ՀՆԱ-ի հարաբերակցությունը կազմել է շուրջ 23.5%՝ նվազելով 0.5 տոկոսային կետով։

Հակոբյանի խոսքով՝ ցուցանիշի նվազումը պայմանավորված է որոշ ապրանքների արտադրության կրճատմամբ, ինչպես նաև հարկային բեռի վերաբաշխմամբ որոշ ոլորտներում՝ հատկապես բանկային և շինարարական։

ՊԵԿ ղեկավարը նաև նշեց, որ 2025-ի հունվար-օգոստոսին արդեն արձանագրվել է հարկային եկամուտների ավելի քան 14%-անոց աճ, որը գերազանցում է երկրի տնտեսական դինամիկան։

Միևնույն ժամանակ տարբեր կառույցների մուտքերն արձանագրել են տարբեր պատկեր․ հարկային ծառայության մուտքերը աճել են 11.2%-ով, իսկ մաքսային ծառայությանը մուտքերը նվազել են 15%-ով՝ ներմուծումների ծավալների պատճառով։