2025-ի ընթացքում հարկային եկամուտները և պետական տուրքերը ավելացել են 14 %-ով. ՊԵԿ

Ապահովվել է 2 տրլն 725.2 մլրդ դրամ հարկային եկամուտների և պետական տուրքերի մուտք։

Պետական եկամուտների կոմիտեն հայտնել է, որ 2025 թվականի ընթացքում Հայաստանի Հանրապետությունում ապահովվել է 2 տրլն 725.2 մլրդ դրամ հարկային եկամուտների և պետական տուրքերի մուտք։

Նշված ցուցանիշը 2024 թվականի նույն ժամանակահատվածի համեմատ ավելի է 334.3 մլրդ դրամով կամ 14 տոկոսով։

2025 թվականի պետական բյուջեի մասին օրենքով սահմանված 2 տրլն 720.3 մլրդ դրամի նկատմամբ հարկերի և տուրքերի փաստացի մուտքը կազմել է 100.2 տոկոս։ Տարվա ընթացքում բյուջեի օրենքում կատարված փոփոխություններով վերանայված 2 տրլն 729.4 մլրդ դրամ ցուցանիշի նկատմամբ փաստացի կատարողականը կազմել է 99.8 տոկոս։

Միաժամանակ ՊԵԿ-ը տեղեկացնում է, որ փաստացի մուտքերը գերազանցել են նաև 2026–2028 թվականների պետական միջնաժամկետ ծախսերի ծրագրում և 2026 թվականի բյուջետային ուղերձ-բացատրագրում 2025 թվականի համար կանխատեսված ցուցանիշները։

Ներկայացված տվյալները բնութագրում են հարկային վարչարարության և տնտեսական ակտիվության արդյունքում ձևավորված եկամուտների դինամիկան։