Տղամարդը գողացել, ապա կուլ է տվել 20.000 դոլար արժողության զարդը

Նա այժմ ոստիկանության հատուկ հսկողության տակ է՝ սպասվում է, որ «բնությունը» ինքը կբերի ապացույցները։

Նոր Զելանդիայի ամենամեծ քաղաքում՝ Օքլենդում, 32-ամյա տղամարդը գողացել է թանկարժեք մեդալիոն և կուլ տվել այն։ Ոստիկանությունը «գուրմանին» ձերբակալել է տեղում, սակայն մինչ օրս չի կարողացել գտնել մոտ 20 000 ԱՄՆ դոլար արժողությամբ զարդը։

Նա այժմ ոստիկանության հատուկ հսկողության տակ է՝ սպասվում է, որ «բնությունը» ինքը կբերի ապացույցները։

Գողացված մեդալիոնը ոգեշնչված է 1983 թվականի «Octopussy» James Bond ֆիլմից, որի սյուժեն պտտվում է Fabergé-ի ձվի շուրջ։ 18 կարատանի ոսկուց պատրաստված փոքրիկ մեդալիոնը զարդարված է ադամանդներով և շափյուղաներով, իսկ ներսում թաքնված է մանր փոքրիկ ութոտնուկ։

Զարդը ընդօրինակում է Սանկտ Պետերբուրգի ոսկերիչների կողմից ռուսական կայսերական ընտանիքի համար ստեղծված Fabergé-ի մոտ 50 ձվերից մեկը։

Հետաքրքիր համընկնում. հենց երեքշաբթի օրը Լոնդոնում աճուրդում վաճառվել է Fabergé-ի ամենահայտնի գլուխգործոցներից մեկը՝ «Ձմեռային ձուն»՝ 22,9 մլն ֆունտ ստեռլինգով (մոտ 26 մլն եվրո)։