Սթիվեն Սիգալը նոր բիզնես է հիմնել Ռուսաստանում

Ամերիկացի դերասանը 2016-ից ունի Ռուսաստանի քաղաքացիություն և 2024-ին պարգևատրվել է Բարեկամության շքանշանով։

Ամերիկացի դերասան Սթիվեն Սիգալը որդու՝ Դոմինիկ Սիգալի հետ Ռուսաստանում հիմնադրել է նոր ընկերություն՝ «Հիկարի» ՍՊԸ։

Ընկերությունը գրանցվել է 2025 թվականի օգոստոսի 26-ին և զբաղվելու է առևտրային գործունեությամբ, կառավարման խորհրդատվությամբ, ինչպես նաև սննդամթերքի, հագուստի, ինքնաթիռների վաճառքով և նանոտեխնոլոգիաների ոլորտում գիտական հետազոտություններով։

Բաժնեմասերի բաշխման համաձայն՝ Սթիվեն Սիգալին է պատկանում 34%, որդուն՝ 33%, «Էկո-ինվեստ 23» ՍՊԸ-ին՝ 55%, իսկ գործարար Միխայիլ Զամարինին՝ մնացածը։

Հիշեցնենք, որ Սիգալը հուլիսի 17-ին լքել էր 2023 թվականին հիմնված «Հինգ տարր» ընկերության գլխավոր տնօրենի պաշտոնը, որտեղ նա և իր որդին սկզբում հավասար բաժնետերեր էին։

Սթիվեն Սիգալը հայտնի է իր կինոկարիերայով՝ «Օրենքից դուրս», «Պաշարման մեջ», «Մահացու վտանգում» և այլ ֆիլմերում։ 2016-ին նա ստացել է Ռուսաստանի քաղաքացիություն, իսկ 2024-ին՝ Բարեկամության շքանշան Վլադիմիր Պուտինից՝ մշակութային և մարդասիրական համագործակցության զարգացման համար։