«ՍՈՔԱՐ»-ը գնում է իտալական խոշոր նավթավերամշակող ընկերություն

Ադրբեջանի պետական նավթային ընկերությունը՝ SOCAR-ը, պայմանավորվել է ձեռք բերել Italiana Petroli ընկերությունը՝ Իտալիայի խոշորագույն վառելիքաբաշխման ցանցերից մեկը, փոխանցում է Reuters-ը՝ հղում անելով բանակցություններին մոտ կանգնած աղբյուրներին։

Գործարքը ստորագրվել է սեպտեմբերի 15-ին։ Թեև ֆինանսական մանրամասները չեն հրապարակվել, նախկինում հաղորդվել էր, որ վաճառքի արժեքը գնահատվում է մոտ 2.5 միլիարդ եվրո։ Italiana Petroli-ն, որը պատկանում է Բրակետի-Պերետտի ընտանիքին, տարեկան մոտ 200,000 բարել/օր վերամշակման հզորություն ունի և Իտալիայում կառավարում է 4,500-ից ավելի լցակայան։ Այն նաև վերջերս ձեռք է բերել ExxonMobil-ի իտալական ակտիվները։

SOCAR-ի համար սա խոշոր առաջխաղացում է Միջերկրածովյան էներգետիկ շուկայում, քանի որ այն արդեն իսկ կառավարում է Թուրքիայում գտնվող STAR նավթավերամշակող գործարանը։

Աղբյուր՝ Reuters