Լուվրի հավաքածուից ՀՀ կբերվեն նշանակալի ցուցանմուշներ

Նախատեսվում է Լուվրի հավաքածուից Հայաստան տեղափոխել ավելի քան մեկ տասնյակ նշանակալի ցուցանմուշ:

ՀՀ կրթության, գիտության, մշակույթի և սպորտի նախարար Ժաննա Անդրեասյանը հյուրընկալել է ՀՀ-ում Ֆրանսիայի դեսպան Օլիվիե Դըկոտինյիին։

Քննարկվել են կրթության, մշակույթի, երիտասարդության և սպորտի ոլորտներում հայ-ֆրանսիական համագործակցության ընդլայնման հնարավորությունները։ Քննարկվել են նաև 2025 թվականի սեպտեմբերին Հայաստանի պատմության թանգարանում Լուվրի թանգարանի հետ համատեղ անցկացվելիք ցուցադրության կազմակերպչական հարցերը։

Նախատեսվում է Լուվրի հավաքածուից Հայաստան տեղափոխել ավելի քան մեկ տասնյակ նշանակալի ցուցանմուշ՝ պահպանելով անվտանգության բոլոր կանոնները։ Կողմերը վերահաստատել են երկկողմ գործընկերության խորացման պատրաստակամությունը։