Պեկինի Ժողովրդական համագումարների պալատում այսօր՝ հինգշաբթի օրը, կայացել է ԱՄՆ նախագահ Դոնալդ Թրամփի և Չինաստանի առաջնորդ Սի Ծինփինի առանցքային հանդիպումը։ Երկժամյա առանձնազրույցի ընթացքում, որը կայանում է Թրամփի պետական այցի շրջանակում, կողմերը քննարկել են գլոբալ անվտանգությանն ու երկկողմ հարաբերություններին վերաբերող հարցեր։
Ռազմական և դիվանագիտական կապուղիների ակտիվացում «Սինհուա» գործակալության փոխանցմամբ՝ ՉԺՀ նախագահն ընդգծել է երկու երկրների զինված ուժերի միջև ուղիղ փոխգործակցության մեխանիզմների կատարելագործման կարևորությունը։ Սի Ցզինպինը կոչ է արել կյանքի կոչել ձեռք բերված համաձայնությունները և առավել արդյունավետ օգտագործել ինչպես քաղաքական-դիվանագիտական, այնպես էլ ռազմական շփումների խողովակները։
Այս հայտարարությունը դիտարկվում է որպես գերտերությունների փորձ՝ կանխելու հնարավոր ռազմական միջադեպերն ու սխալ հաշվարկները՝ տարածաշրջանային ընթացիկ լարվածության ֆոնին։ Թրամփի այցը Չինաստան կավարտվի վաղը՝ մայիսի 15-ին։
