Շոկային վարկանիշ. նշվել են աշխարհի ամենաաղտոտված օդ ունեցող քաղաքները

Հնդկաստանի մայրաքաղաք Դելին կրկին անվանվել է աշխարհի ամենաաղտոտված քաղաքը

Ըստ շվեյցարական IQAir ընկերության վերջին վարկանիշային աղյուսակի, հաղորդում է Hindustan Times-ը։

2025 թվականի հոկտեմբերի 21-ի դրությամբ քաղաքի օդի որակի ինդեքսը (AQI) հասել է 350-ի՝ դասակարգվելով որպես «շատ վատ»։ Սա 3.5 անգամ ավելի բարձր է, քան Առողջապահության համաշխարհային կազմակերպության կողմից առաջարկվող չափանիշները։

Դելիից բացի, աշխարհի ամենաաղտոտված քաղաքների տասնյակում ընդգրկվել են նաև Հնդկաստանի և Պակիստանի մի քանի խոշոր քաղաքներ։ Դելիից բացի, առաջին հնգյակում են եղել Լահորը (Պակիստան, երկրորդ տեղ), Կարաչին (Պակիստան, չորրորդ տեղ), Մումբայը (Հնդկաստան, հինգերորդ տեղ) և Կալկաթան (Հնդկաստան, ութերորդ տեղ)։

Չինաստանում, Պակիստանում և Հնդկաստանում գտնվող քաղաքները նույնպես ընդգրկվել են առաջին տասնյակում՝ Պեկինը, Շանհայը, Գվադալահարան, Ռավալպինդին և Չեննայը։ Այս քաղաքները տառապում են օդի խիստ աղտոտվածությունից՝ արդյունաբերական արտանետումների, տրանսպորտային միջոցների երթևեկության, ածխի այրման և տոների ընթացքում հրավառության լայնորեն օգտագործման պատճառով։

Իրավիճակը հատկապես սրվում է Դիվալիից՝ Հնդկաստանի լույսերի փառատոնից հետո։ Այս ժամանակահատվածում հրավառության օգտագործումը զգալիորեն մեծացնում է օդում PM2.5 մասնիկների քանակը, ինչը կտրուկ վատթարացնում է քաղաքների օդի որակը։ Չնայած Հնդկաստանի Գերագույն դատարանի կողմից սահմանված սահմանափակումներին, շատ բնակիչներ շարունակում են օգտագործել հրավառություն՝ անտեսելով կանոնները։

Առողջության հետևանքները լուրջ են։ Բնակիչները բողոքում են շնչառության դժվարություններից, քրոնիկ հազից, աչքերի գրգռումից և ասթմայի վատթարացումից։ Հատկապես խոցելի են երեխաները, տարեցները և քրոնիկ հիվանդություններ ունեցող մարդիկ։

Մասնագետները զգուշացնում են, որ աղտոտված օդի երկարատև ազդեցությունը կարող է հանգեցնել սրտանոթային և շնչառական հիվանդությունների ռիսկի բարձրացման։