Sharp-ը ներկայացրել է VR կառավարիչ, որը փոխանցում է հպման զգացողություն

Նախատիպը դեռ փորձարկումների փուլում է։

Ճապոնական Sharp ընկերությունը ներկայացրել է նորարարական VR հապտիկ կառավարիչների նախատիպ, որը նպատակ ունի հպման զգացողությունն ընդգրկել վիրտուալ իրականությունում։ 

Կառավարիչներն ունեն մատների ծայրերում տեղադրված բազմաբաժանված շոշափելի տարրեր, որոնք թույլ են տալիս օգտատերերին զգալ տարբեր հյուսվածքներ՝ ինչպես հարթ, այնպես էլ կոպիտ։

Սարքը նաև կարող է գործել որպես ստանդարտ VR կառավարիչ՝ լծակներով և կոճակներով, չնայած չունի ուժային կամ ջերմաստիճանի հետադարձ կապ։ Հետևումը կատարվում է առանց ձեռնոցների՝ հնարավոր է՝ օգտագործելով շուկայի ստանդարտներին համապատասխան ամրակներ։

Նախատիպը դեռ փորձարկումների փուլում է։ Sharp-ը վերջերս փակեց նախնական գրանցումները Ճապոնիայում, սարքի գինը նախապես սահմանելով 100,000 իեն (մոտ $680): Ընկերությունը զգուշացնում է, որ նախագծի մշակումը կամ թողարկումը կարող է չեղարկվել։

Sharp-ն XR տեխնոլոգիաներում ունի զգալի փորձ՝ նախկինում հանդիսանալով Meta Quest 2-ի էկրանների մատակարար։ 2024-ի վերջին ընկերությունը նաև թողարկել էր MiRZA անվամբ AR ակնոցներ՝ համագործակցելով NTT Docomo-ի հետ։