Շանհայի համագործակցության կազմակերպության երկրները որոշել են ստեղծել Զարգացման բանկ

Շանհայի համագործակցության կազմակերպության գագաթնաժողովը մեկնարկել է երկուշաբթի` Չինաստանի Տյանծին քաղաքում։

Շանհայի համագործակցության կազմակերպության անդամ պետությունները որոշել են ստեղծել Զարգացման բանկ՝ համաձայն պետությունների ղեկավարների խորհրդի Տյանծինյան հռչակագրի։

ՇՀԿ-ի մասնակիցները նաև աջակցել են միջազգային ֆինանսական ճարտարապետության բարեփոխմանը, որը նպատակ ունի մեծացնելու զարգացող երկրների ներկայացվածությունն ու դերը միջազգային ֆինանսական հաստատությունների, այդ թվում՝ Վերակառուցման և զարգացման միջազգային բանկի ու Արժույթի միջազգային հիմնադրամի կառավարման մարմիններում։

Բացի այդ, հռչակագրում ընդգծվել է շահագրգիռ անդամ պետությունների կողմից փոխադարձ հաշվարկներում ազգային արժույթների մասնաբաժնի աստիճանական աճի ճանապարհային քարտեզի կազմակերպման հետագա իրականացման կարևորությունը։

Շանհայի համագործակցության կազմակերպության գագաթնաժողովը մեկնարկել է երկուշաբթի` Չինաստանի Տյանծին քաղաքում։