Լուրջ խախտումներ են արձանագրվել Ուկրաինային տրամադրվող 26 միլիարդ դոլարի օգնության հարցում

Խոսքը վերաբերում է Ուկրաինային տրամադրված շուրջ 26 միլիարդ դոլարի բյուջետային աջակցության ծրագրին։

ԱՄՆ Միջազգային զարգացման գործակալության (USAID) գլխավոր տեսուչի գրասենյակը հայտնել է Ուկրաինային տրամադրվող ֆինանսական օգնության մոնիթորինգի համակարգում հաշվետվությունների հետ կապված խնդիրների մասին։

Ներկայացուցիչների պալատի լսումների ժամանակ գլխավոր տեսուչի տեղակալ Ադամ Կապլանը նշել է, որ միջոցների օգտագործումը վերահսկող կապալառուների հաշվետվությունները հաճախ չեն ներկայացվել ժամանակին կամ առհասարակ չեն ներկայացվել։

Խոսքը վերաբերում է Ուկրաինային տրամադրված շուրջ 26 միլիարդ դոլարի բյուջետային աջակցության ծրագրին։

Վերահսկող մարմնի գնահատմամբ՝ հաշվետվությունների ուշացումները և բացակայությունը սահմանափակել են ԱՄՆ-ի հնարավորությունները գնահատելու միջոցների օգտագործման արդյունավետությունը։

Տվյալները վերաբերում են ֆինանսական վերահսկողության մեխանիզմների կիրառմանը և ցույց են տալիս հաշվետվողականության գործընթացում առկա սահմանափակումները միջազգային աջակցության ծրագրերում։