Տեղական լուրեր
Արցախցիների բնակապահովման հավաստագրեր
Արցախից բռնի տեղահանվածներին տրամադրվել է տուն ձեռք բերելու շուրջ 8,300 հավաստագիր, որոնցից մոտ 4,600-ն արդեն իրացվել է: Մինչև տարեվերջ ակնկալվում է տրամադրել շուրջ 10,000 հավաստագիր:
Լրացուցիչ արտոնություններ մինչև 2 տարեկան երեխա խնամողներին
Մինչև 2 տարեկան երեխա խնամող աշխատողներին յուրաքանչյուր 3 ժամը մեկ կարող է տրամադրվել 30 րոպեից ոչ պակաս վարձատրվող լրացուցիչ ընդմիջում: Նրանց պահանջով կարող է սահմանվել նաև ոչ լրիվ աշխատանքային օր կամ շաբաթ:
Կրիպտոծառայությունների լիցենզավորման վերջնաժամկետ
ՀՀ Կենտրոնական բանկը հիշեցնում է, որ կրիպտոակտիվներով ծառայություններ մատուցողները մինչև 2027 թվականի հունվարի 31-ը պետք է լիցենզավորվեն: Դրանից հետո առանց լիցենզիայի գործունեությունը կարգելվի:
Հայաստանի տնտեսական ակտիվությունն ու պահուստների ռեկորդը
Համաշխարհային բանկի տվյալներով՝ հունվար-հուլիսին Հայաստանի տնտեսական ակտիվությունն աճել է 7.7%-ով, իսկ համախառն պահուստները հասել են ռեկորդային 6.5 միլիարդ դոլարի:
2․43 մլրդ դրամի թերհայտարարագրում կառուցապատողների մոտ
ՊԵԿ-ը Երևանում բնակելի շենքեր կառուցող երեք ընկերություններում բացահայտել է 2.43 մլրդ դրամի թերհայտարարագրված իրացման շրջանառություն (653.5 մլն դրամ լրացուցիչ հարկային պարտավորություն): Տնտեսվարողներն արդեն վճարել են 439.2 մլն դրամ:
Միջազգային լուրեր
Trump Tower նախագիծը Թբիլիսիում
Վրաստանում ներկայացվել է Trump Tower Tbilisi 2 մլրդ դոլար արժողությամբ երկնաքերի նախագիծը (600 հազար քմ տարածք), որին հեռավար մասնակցել է Էրիկ Թրամփը:
G20 երկրների ՀՆԱ-ի աճի դանդաղում
G20 երկրների ՀՆԱ-ի տարեկան աճը երկրորդ եռամսյակում դանդաղել է մինչև 3.1%: Ամենաբարձր աճը գրանցվել է Հնդկաստանում, Ինդոնեզիայում և Չինաստանում, իսկ ամենամեծ անկումը՝ Սաուդյան Արաբիայում (-4.3%):
Դիզվառելիքի արտահանման արգելքի երկարաձգում Ռուսաստանում
ՌԴ կառավարությունը մինչև 2026 թվականի հոկտեմբերի վերջ կերկարաձգի դիզելային վառելիքի արտահանման արգելքը՝ ներքին շուկան ապահովելու և պաշարները լրացնելու նպատակով:
ԵՄ-ի 90 միլիարդ եվրոյի կորուստը
Եվրոհանձնաժողովի նախագահ Ուրսուլա ֆոն դեր Լայենը հայտարարել է, որ Իրանի շուրջ հակամարտության և Հորմուզի նեղուցի ճգնաժամի պատճառով էներգակիրների թանկացման հետևանքով ԵՄ-ն կորցրել է 90 միլիարդ եվրո:
