Սեպտեմբերի 30-ի բիզնես լուրերը

Տեղական

Ավարտվել է ոչ ռեզիդենտների ֆինանսական հաշիվների տվյալների փոխանակումը
Հայաստանը 2025-ին առաջին անգամ ոչ ռեզիդենտների ֆինանսական հաշիվների վերաբերյալ տվյալներ է փոխանակել 47 երկրի հետ։ Հաջորդ տարիներին այս ցանկը կընդլայնվի։

Հայաստանն ունի ամենացածր վերաֆինանսավորման տոկոսադրույքը ԵԱՏՄ-ում
ԵՏՀ-ի տվյալներով՝ Հայաստանում արձանագրվել են և՛ ամենացածր վերաֆինանսավորման տոկոսադրույքը, և՛ արտարժույթով ամենաէժան վարկերը։

Հայաստանը տարածաշրջանում առաջատար է բնակչության աճով
ՀԲ-ի տվյալներով՝ 2024-ին Հայաստանում բնակչության աճը կազմել է 2.3%։ Սա ամենաբարձր ցուցանիշն է տարածաշրջանում։

Փաշինյանը Ստրասբուրգում ներկայացրել է Հայաստանի տնտեսական առաջընթացը
Վարչապետը նշել է, որ 2018-ից Հայաստանի տնտեսությունը աճել է 43%-ով, հարկային եկամուտները կրկնապատկվել են, իսկ կոռուպցիայի ընկալման համաթվում՝ երկիրը գրանցել է ավելի քան 40 կետով առաջընթաց։

Միջազգային

Թրամփը մաքսատուրքեր է սահմանել փայտանյութի ներմուծման վրա
ԱՄՆ ներմուծվող փայտանյութի և դրանից պատրաստված արտադրանքի նկատմամբ սահմանվել է 25% մաքսատուրք։ Թրամփը համոզված է, որ այս քայլը կվերադարձնի կահույքի բիզնեսը մի շարք նահանգներ։

YouTube-ը Թրամփին կվճարի 24.5 մլն դոլար
YouTube-ը համաձայնել է վճարել Թրամփին և մի քանի կազմակերպությունների շուրջ 24.5 մլն դոլար՝ հաշվի ժամանակավոր արգելափակման գործով։

ԵՏՀ-ն զրոյացնում է վառելիքի ներմուծման մաքսատուրքը մինչև 2026թ.
Որոշումը կայացվել է ներքին շուկայում վառելիքի հավասարակշռությունը պահպանելու նպատակով։

Իսրայելը ավելացնում է ռազմական ծախսերը
Պաշտպանական գործողությունների ֆինանսավորման համար Իսրայելի բյուջետային ծախսերը կավելանան մոտ 9.35 մլրդ դոլարով։

Ճապոնիայում մանրածախ վաճառքների անկում
Օգոստոսին վաճառքները նվազել են 1.1%-ով։ Սա առաջին անկումն է 2022-ի փետրվարից և ամենախոշոր անկումը՝ վերջին 4 տարվա ընթացքում։