Սեպտեմբերի 1–ից ՀՀ ՍԱՏՄ–ն կսկսի խստագույնս ստուգել արտահանվող ծաղիկների խմբաքանակները

Սեպտեմբերի 1-ից ոչ ոք չի կարող բողոքարկել տեսչության կողմից տրամադրված սերտիֆիկատների չստացման համար:

Սեպտեմբերի 1–ից ՀՀ ՍԱՏՄ–ն կսկսի խստագույնս ստուգել արտահանվող ծաղիկների խմբաքանակները, լրագրողներին ասաց ՀՀ սննդամթերքի անվտանգության տեսչական մարմնի բուսասանիտարական վարչության պետ Արթուր Նիկոյանը։

«Վերջին մի քանի օրերին ռուսական կողմը կրկին հարցեր էր ուղղում մեզ արտահանվող ծաղիկների վերաբերյալ, բայց մենք խնդրեցինք սպասել մինչև սեպտեմբերի 1–ը։ Դրանից հետո թող ոչ մի արտահանող չբողոքարկի, որ ինքը դիմել է տեսչությանը, իսկ իրեն բուսասանիտարական սերտիֆիկատ չեն տվել»,– հայտարարեց Նիկոյանը։ 

Նրա խոսքով Խնդիրն առաջացավ, երբ մեր արտահանողները սկսեցին անբարեխիղճ ձևով իրականացնել իրենց գործունեությունը խախտելով ՌԴ և ԵԱՏՄ–ի օրենսդրությունը. ընկերությունները չէին  ներկայացնում ֆիտոսանիտարական հսկողության սերտիֆիկատ, չէին մուծում հարկերը կամ ստեղծում էին ֆեյք ընկերություններ։