Սեմ Ալթմանը՝ «ֆաշի՞ստ»․ սկանդալ Vanity Fair երեկույթում

Ականատեսների փոխանցմամբ՝ Ալտմանը արձագանքել է զուսպ և չի սրել իրավիճակը։

Vanity Fair-ի հետ-Օսկար միջոցառման ընթացքում տեղի է ունեցել հրապարակային միջադեպ OpenAI-ի ղեկավար Սեմ Ալտմանի և դրամատուրգ Ջերեմի Օ. Հարիսի միջև։

Ըստ հրապարակումների՝ Հարիսը մոտեցել է Ալտմանին և քննադատել նրան OpenAI-ի և ԱՄՆ Պաշտպանության նախարարության միջև կնքված պայմանագրի կապակցությամբ։ Նա նաև օգտագործել է սուր ձևակերպումներ՝ կապված ընկերության գործունեության և համագործակցության ուղղությունների հետ։

Ավելի ուշ Հարիսը պարզաբանել է իր հայտարարությունները՝ նշելով, որ սխալ համեմատություն է արել և ուղղել է օգտագործված ձևակերպումը։

Ականատեսների փոխանցմամբ՝ Ալտմանը արձագանքել է զուսպ և չի սրել իրավիճակը։

OpenAI-ի և ԱՄՆ պաշտպանության գերատեսչության միջև համագործակցությունը վերջին շրջանում քննարկումների առարկա է դարձել՝ կապված արհեստական բանականության կիրառման հնարավոր ոլորտների հետ։

Ընկերությունը հայտարարել է, որ տեխնոլոգիաների կիրառման շրջանակում գործում են սահմանափակումներ, որոնք նախատեսված են կանխելու չարաշահումները։

Միջադեպը տեղի է ունեցել հանրային և մասնագիտական շրջանակներում քննարկվող ավելի լայն թեմայի ֆոնին՝ արհեստական բանականության կիրառման և դրա կարգավորման վերաբերյալ։