Անվտանգային խնդիրներ․ Հայաստան-Վրաստան գազատարի հատվածը կտեղափոխվի

Հայաստանի ներմուծվող գազը մատակարարվում է ռուսական կողմի կողմից:

Հայաստանը նախաձեռնել է Վրաստանը և Հայաստանը միացնող գազատարի շուրջ 5,5 կմ հատվածի տեղափոխում։ Համապատասխան հայտը ներկայացվել է Վրաստանի բնապահպանության նախարարության Շրջակա միջավայրի վերահսկողության դեպարտամենտ։

Ըստ ներկայացված փաստաթղթերի՝ տեղափոխման անհրաժեշտությունը պայմանավորված է գազատարի գործող հատվածի տեղակայմամբ՝ վրաց-հայ-ադրբեջանական սահմանային գոտում, որը 1990-ականներից ականապատված է։ Նշվում է, որ տվյալ հատվածում հնարավոր չէ ապահովել անվտանգության նվազագույն չափանիշները և իրականացնել տեխնիկական սպասարկում կամ վերանորոգում։

Եռակողմ միջպետական համաձայնագրի հիման վրա որոշվել է գազատարի խնդրահարույց հատվածը տեղափոխել ականապատված տարածքից և կառուցել նոր ենթակառուցվածք՝ անվտանգ հեռավորության վրա։ Նոր հատվածը կմիացվի հայկական կողմից արդեն կառուցված գազատարին։

Վրաստանից դեպի Հայաստան եկող գազատարն հանդիսանում է բնական գազի մատակարարման հիմնական երթուղիներից մեկը։ Հայաստանի ներմուծվող գազը մատակարարվում է ռուսական կողմի կողմից՝ վրացական տարանցիկ ենթակառուցվածքների միջոցով։

Տեղափոխման նախագիծը նպատակ ունի նվազեցնել գործառնական ռիսկերը և ապահովել մատակարարման կայունությունը՝ պահպանելով գործող տարանցիկ սխեման։