Սեբաստիան Լեկորնյուն նշանակվել է Ֆրանսիայի նոր վարչապետ

Սեբաստիան Լեկորնյուն նշանակվել է Ֆրանսիայի նոր վարչապետ

Սեբաստիան Լեկորնյուն նշանակվել է Ֆրանսիայի վարչապետ երեքշաբթի՝ սեպտեմբերի 9-ին՝ փոխարինելով Ֆրանսուա Բայրուին, որը երկուշաբթի օրը չստացավ պատգամավորների վստահության քվեն և հրաժարական տվեց, հաղորդում է BFMTV-ն։

2022 թվականից ի վեր Սեբաստիան Լեկորնյուն զբաղեցրել է զինված ուժերի նախարարի պաշտոնը։ Նախկինում նա եղել է արտասահմանյան տարածքների նախարար, տարածքային համայնքների նախարար և էկոլոգիական անցման հարցերով պետքարտուղար։

Մի քանի ժամ առաջ Ֆրանսուա Բայրուն հրաժարական էր տվել Էմանուել Մակրոնի հետ իր վերջին հանդիպման ժամանակ։

Այնուհետև նա մեկնել է Մատինյոն, որտեղ պետք է զբաղվեր ընթացիկ գործերով։