ՍԱՏՄ-ն դադարեցրել է պաղպաղակի արտադրությունը՝ լաբորատոր խախտման պատճառով

Ստուգման ընթացքում իրականացվել է նմուշառում և նմուշներն ուղարկվել են լաբորատոր հետազոտության։

ՀՀ սննդամթերքի անվտանգության տեսչական մարմնի Երևանի կենտրոնի տեսուչները ստուգում են իրականացրել Կոտայքի մարզի Ջրվեժում գործող «ԴՈԼՉԵԶԱ» ՍՊԸ-ին պատկանող պաղպաղակի արտադրամասում։

Փորձաքննության արդյունքում պարզվել է, որ 2025թ. հուլիսի 15-ին արտադրված «Պաղպաղակ վանիլային» արտադրատեսակը չի համապատասխանում մաքսային կանոնակարգերով սահմանված պահանջներին՝ աղիքային ցուպիկի խմբի մանրէների (ԱՑԽՄ) ցուցանիշով։

ՍԱՏՄ ղեկավարի որոշմամբ դադարեցվել է արտադրության տվյալ արտադրատեսակի գործունեությունը մինչև խախտումների վերացումը։ ՍՊԸ-ին տրվել է կարգադրագիր՝ արգելելու խմբաքանակի իրացումը, այն հետ կանչելու, ոչնչացնելու կամ օգտահանելու վերաբերյալ։