Արաքսում ապօրինի ավազ է արդյունահանվել. ԲԸՏՄ-ն հաղորդում է ներկայացրել Քննչական կոմիտե

Արաքսում ապօրինի ավազ է արդյունահանվել. ԲԸՏՄ-ն հաղորդում է ներկայացրել Քննչական կոմիտե:

Բնապահպանության և ընդերքի տեսչական մարմնի աշխատակիցներն Արմավիրի մարզում իրականացվող կանխարգելիչ միջոցառումների ընթացքում Արաքս համայնքի Ապագա գյուղի վարչական տարածքում արձանագրել են ավազի ապօրինի արդյունահանման դեպք։ Այս մասին հաղորդագրություն է տարածել ՀՀ ԲԸՏՄ-ն։

Առանց համապատասխան իրավական հիմքերի ծանր տեխնիկայով հանքանյութի ապօրինի արդյունահանումն անմիջապես դադարեցվել է։ Տեխնիկան և բեռնատարը տեղափոխվել են Տեսչական մարմնի Արմավիրի տարածքային բաժնի պահպանվող տարածք։Առերևույթ հանցանքի մասին հաղորդում է ներկայացվել ՀՀ քննչական կոմիտե։