Սալվադորի իշխանությունները Խաղաղ օվկիանոսում 1.5 տոննա կոկաին են առգրավել

Սալվադորի նախագահ Նայիբ Բուկելեն երեքշաբթի օրը հայտարարել է, որ Խաղաղ օվկիանոսում առգրավվել է 1.4 տոննա կոկաին՝ դա անվանելով «միջազգային թմրանյութերի ապօրինի շրջանառությանը» հարված, հաղորդում է AFP-ն։

Նա ասել է, որ բեռը հայտնաբերվել է Էլ Կորդոնսիլոյից մոտ 1600 կիլոմետր հարավ-արևմուտք՝ Սալվադորի Խաղաղ օվկիանոսի ափին գտնվող Ջալտեպեկեի գետաբերանի մոտ։

Սալվադորի նախագահը հայտնել է, որ փոխադրվող փաթեթները գնահատվել են 35 միլիոն դոլար։ 2024-2025 թվականներին Սալվադորում առգրավվել է 37,2 տոննա կոկաին՝ 932,4 միլիոն դոլար ընդհանուր արժեքով, հավելել է Բուկելեն։

Սալվադորում ԱՄՆ դեսպանատունը բարձր է գնահատել գործողությունը՝ ընդգծելով, որ «հանցավոր ցանցերի դեմ յուրաքանչյուր հաջողված գործողություն ցույց է տալիս ընդհանուր նպատակներ հետապնդող գործընկերների գործողությունների աճող համաձայնեցվածությունը»։

Վաշինգտոնի գնահատականներով՝ Միացյալ Նահանգներ հասնող կոկաինի 90%-ը Մեքսիկայով և Կենտրոնական Ամերիկայով է անցնում՝ փոքր ինքնաթիռներով, նավակներով և մինի սուզանավերով։