Ռուսները գրեթե անմիջապես զիջումների գնացին Ալյասկայում կայացած հանդիպման ժամանակ․ Ուիթքոֆ

Ռուսները գրեթե անմիջապես զիջումների գնացին Ալյասկայում կայացած հանդիպման ժամանակ․ Ուիթքոֆ

ԱՄՆ նախագահի հատուկ բանագնակ Սթիվ Ուիթքոֆը Fox News-ի եթերում նոր մանրամասներ է ներկայացրել ԱՄՆ նախագահ Դոնալդ Թրամփի և Ռուսաստանի ղեկավար Վլադիմիր Պուտինի միջև Ալյասկայում կայացած հանդիպման մասին՝ նշելով, որ ռուս պաշտոնյաները «գրեթե անմիջապես» զիջումների են գնացել։

«Ռուսները գրեթե անմիջապես զիջումների գնացին Ալյասկայում կայացած առաջին հանդիպմանը»,- մեջբերում է CNN-ը։ «Այդ զիջումները մասամբ օգնեցին մեզ հասկանալ, թե արդյոք նրանք պատրա՞ստ են ավելի զիջող լինել»։

Ըստ Ուիթքոֆի՝ Անքորիջում կայացած հանդիպման ժամանակ Թրամփն ու նրա թիմը կենտրոնացել են երկարաժամկետ խաղաղության համաձայնագրի, այլ ոչ թե Ուկրաինայում ժամանակավոր զինադադարի վրա։

«Մենք բավականին շատ ժամանակ ենք անցկացրել այնտեղ, քանի որ իսկապես առաջընթաց ենք գրանցել այն հարցում, թե ինչպես հասնել խաղաղ համաձայնության», — հավելել Է Ուիթկոֆը:«Ալյասկայում կայացած այս հանդիպման ժամանակ Նախագահ [Թրամփը] սկսել է հասկանալ, որ մենք շատ նախադրյալներ ունենք խաղաղության համաձայնագրի համար, ուստի ինչու չձգտել լիարժեք խաղաղության համաձայնագրի կնքմանը:»